ஸ்ரீதேவி நடிப்பில் உருவாகியுள்ள 'மாம்' படம் தமிழிலும் வெளியாகவுள்ளது என்பது தெரிந்ததே. இந்த நிலையில் இந்த படத்தின் இசையமைப்பாளரும் ஆஸ்கார் நாயகனுமான ஏ.ஆர்.ரஹ்மான் ஒரு பாடலை தனது தங்கை இஷ்ரத்காதிரி அவர்களை பாட வைத்துள்ளார். அண்ணன் ரஹ்மான் இசையில் பாடிய அனுபவம் குறித்து இஷ்ரத்காதிரி கூறியதாவது:

எல்லாமே கண்ணிமைக்கும் நேரத்திற்குள் நடந்துவிட்டது. ஒருநாள் அண்ணன் ரஹ்மானின் உதவியாளர் எனக்கு போன் செய்து 'மாம்' படத்தின் தமிழ்ப்பதிப்பில் ஒரு பாடலை பாட எனக்கு அழைப்பு விடுத்தார். அடுத்த நாளே ரிக்கார்டிங் என்பதால் அன்றிரவே எனக்கு விவேக் எழுதிய அந்த பாடல் வழங்கப்பட்டது.

அந்த பாடல் மிகவும் நெகிழ்ச்சியூட்டும் வகையில் இருந்ததால் அன்று முழுவதும் நான் அந்த பாடலின் வரிகளை ஹைபிட்சில் பாடி பயிற்சி செய்தேன். அடுத்தநாள் ரிகார்டிங் செல்லும்போது அந்த பாடலை நான் ஹைபிட்ச் மற்றும் லோபிட்ச் என இரண்டிலும் பாட வேண்டும் என்பதை தெரிந்து கொண்டேன். ரிகார்டிங் முடிந்ததும் அண்ணாவின் எஞ்சினியர் என்னிடம் பாடல் நன்றாக வந்துள்ளதாக ரஹ்மான் பாராடியதாக கூறியதும் எனக்கு மிகுந்த சந்தோஷம் ஏற்பட்டது என்று கூறினார்.